【明報專訊】方力申今年2月情人節宣布跟圈外女友葉萱（Maple）已婚，之後於父親節當天公開太太懷孕，榮升爸爸。他早前出席活動透露老婆懷孕5個月，拒透露BB性別，說仔女無所謂，希望生兩三個。前晚方力申在佛山舉行演唱會，突然自爆太太佗B女，他在台上刺破白色氣球，飄出多個粉紅細氣球，揭曉BB性別。方力申激動說：「我當時直情係接受唔到呢個現實，全晚都係話仔嚟，冇可能係女嚟㗎，我真係接受唔到啊，對我衝擊太大啦！」之後大熒幕出現BB的超聲波照片，聽到方力申與葉萱的對話，方力申不停說：「真係㗎，冇可能、冇理由，我冇理由估錯㗎！」葉萱說：「係女啊！」方力申笑言：「哎吔，又畀人估中咗，我係外父啊！」
下一站演唱會公布BB名字
方力申笑稱太太好好戲，又說到現在都未好肯定真的是女，月底陪老婆照BB結構，待下一站演唱會再跟歌迷確定，到時會說出兒子或女兒改什麼名字，「如果是B仔，兒子會好大壓力，因我一定會要求練游水，好有禮貌、好誠實、好生性。至於女兒的話，輪到我壓力大，想長命一點，還要好弗，想保護她，想佢拖住我時，覺得老竇好有型」。
娛樂組